| usman_latif_ch | 24-06-2009 05:48 PM |
Dil dharkane ka sabab yaad ayaa
Dil dharkane ka sabab yaad ayaa
Wo teri yaad thi ab yaad aaya
Aaj mushkil tha sambhalna ae dost
Tu museebat mein ajab yaad aaya
Din guzara tha bari mushkil se
Phir tera vadaa-e-shab yaad aaya
Tera bhula hua paimaan-e-vafa
Mar rahenge agar ab yaad aaya
Phir kai log nazar se guzre
Phir koi shehar-e-tarab yaad aaya
Haal-e-dil ham bhii sunate lekin
Jab wo rukhsat hue tab yaad aaya
Baith kar sayaa-e-gul mein 'Nasir'
Ham bahut roye wo jab yaad aaya
(Nasir Kazmi)
| 