Kab se khamoosh si ghum sum si..
yunhi bethi hoon.....
Samne khat hai tera..
aur dil ke angan mein

Mausam-e-dard. .
dabe paoun chala aya hai
Aur zakhamoon ki fasal
ab ke bahut achi hai


Baatoon baatoon mein lage
dil pe jo, uss baat ka zakham


Dil ki mundheeroon pe
jam jaye jo, uss raat ka zakham


iss siyahi mein jo ghum hugaya
uss saath ka zakham


Jo yaqeen toot ke tabdeel huwa
rezoon mein....
ruhh mein chubte khatakte huwe
zaraat ka zakham

Tum ne likha hai ke..
tum zaat ke zakhmoom ko
sehna seekho..

Tum bhi auroon ki tarha
duniya mein rehna seekho

Mashvara hai tu bahut khoob
magar....... .........

Essi duniya se kahaan
meri shanasayi hai
Yeh tera khat hai ke
Zakham-e-maseehayi hai.!