BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan - na shorsh-e-gham-e-dauran na khudsari apni

na shorsh-e-gham-e-dauran na khudsari apni
bohot dinon se ha gum sum sukhanwari apni

supurd-e-aina kerta na tha woh aks apna
usey aziz thi kis darja dilbari apni

ye dopeher tou dhaley, tujh ko raakh hona hai
jata na khaak nasheenon pey bartari apni!

na shouq-e-khana'badoshi na wusaton ki hawas
basa gai humein sehra mein be-ghari apni

ujaar dil yahi chup chup sa koh-e-qaaf apna
yahin kahin kabhi rehti thi eik pari apni!

usi ka naqsh hai ab tak mata-e-jaan "Mohsin"
hui thi jis se mulaqaat sar'sari apni.....