BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan - Kuch khoushi k saaye main aur kuch ghamo k saath saath

Kuch khoushi k saaye main aur kuch ghamo k saath saath
zindagi kat he rahi hai uljhano k saath saath

aaj tak uss ki thakan se dukh raha hai yeh badan
ek safar main ne kiya tha khwahishon k saath saath

kis tarha khaaya hai dhoka kiya bataon main tumhain
dosto k mashware thay saazishon k saath saath

kis tarha rakhe hue thay chaand sooraj ek jaga
nafratain bhe pal rahe then chahaton k saath saath

iss dafa sawan main teri yaad k badal rahe
iss dafa main khoob roya barishon k saath saath

woh jinhain main dost kehta tha bare he maan se
saf ba saf woh bhe khare thay dushmano k saath saath

kaash! phir se lot aayen phir wahi bachpan k din
bhaagna pholon ki khatir titliyon k saath saath

Shaher main kuch log mere chahane wale bhe hain
Phool mujh ko lag rahe hain patharon k saath saath