Dar nahi Lagta Mjhe aatay jatay Mausamon say dar nahi lagta Nae aur Pur-Azziyat Manzaron say dar nahi lagta Khamoshi kay hain Aangan aur sanattay ki deewarein Yeh kaisay Log hain jin ko Gharon say dar nahi lagta Mjhay iss khakazi Kshti pay Ek andha bharosa hai K Toofan main bhi Gehray panion say dar nahi lagta Samandar cheekhta rehta hai Pas-e-Manzar main aur mujh ko Andhairon main akalay Sahilon say Dar nahi lagta Yeh kaisay Log hain sadion ki Veerani main rehtay hain Inhen kamron ki boseeda chatton say dar nahi lagta Mjhe kuch aisi Aankhen chaheiein apnay rafiqon ki Jinhen bay-baq sachay Aainon say dar nahi lagta Mere peechay kahan aaye ho Na-Maloom ki Dhun main Tmhen kiya inn andhairon say dar nahi lagta Yeh mumkin hai wo unn ko Moat ki Sarhad pay lay jaein Parindon ko magar apnay parrron say dar nahi lagta |
All times are GMT +5. The time now is 09:09 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.