Woh kehti hey, Teri meri mohabbat raaz hey ab tak Aik Lambi Mukalmaati Ghazal Woh kehti hey, Teri meri mohabbat raaz hey ab tak Mein kehta houn, Ye woh raaz hey jo khul key rehna hey Woh mujh sey poochthi hey, mausamoon key dhang kaisey hein Mein kehta houn, tumharey parahan key rang jaisey hein Woh kehthi hey, mera her pal tujhey milney ko ji chahey Mein kehta houn, terey deedar ko aankhein tarasti hein Woh kehti hey, merey aangan mein mausam hey baharoon ka Mein kehta houn, tera chehra hey khiltey phool ki manind Woh kehti hey, kai baatein hein dil mein khaar ki surat Mein kehta houn, kai yaadein hein dil mein dhool ki manind Woh kehthi hey, sabhi ghazlein mujhey kaghaz pey likh bheijo Mein kehtha houn, meri ghazlein tu sab teri hi baatein hein Woh kehti hey, koi din mein koi milan ka din bhi aaeygaa Mein kehta houn, kia behtr nahin woh aaj ka din ho Woh kehti hey, tumhein kyoon isqadar jaldi hey milney ki Mein kehta houn, mujhey her pal azaab'e jaan sa lagta hey Woh kehti hey, mohabbat sey mussarat bhar gayi dil mein Mein kehta houn, abhi kuch ghum bhi niklein gey taqubb mein Woh kehti hey, mohabbat mein bohat nadaan ho tum tu Mein kehta houn, masail sey bohat anjaan ho tum tu Woh kehti hey, kia guzrey zamaney laut aatey hein Mein kehta houn, aeisa kab hua mumkin zamaney mein Woh mujh sey poochthi hey dard ki ye raat kab tak hey Mein kehta houn, keh pagalpan ki koi hadd nahin hoti Woh mujh sey poochthi hey, kaun roota hey kivaroon mein Mein kehta houn, abhi ik dard hey dil ki dararoon mein Woh mujh sey poochthi hey, ishq kia dewangi kia hey Mein kehta houn, Koi aatish ragoon mein tehr ajati hey Woh kehti hey, keh peela rang hey kyoon ker udaasi ka Mein kehta houn udaasi bhi kisi dukh ki ilamat hey Kaha us nein, mohabbat key sabhi mausam niraley hein Kaha mein nein, mohabbat ki her ik shab mein ujaley hein Kaha us nein, mohabbat mein bohat sey khaar hotey hein Kaha mein nein, junoon key raastey dushwar hotey hein Kaha us nein, mohabbat vehm key so jaal bunti hey Mein kehta houn, mohabbat khud yaqeen key phool chunti hey Kaha us nein, mohabbat sab saharey chein leiti hey Kaha mein nein, mohabbat roh ko taskeen deiti hey Kaha us nein, mohabbat ik khayaal'e khaam hoti hey Kaha mein nein, mohabbat ik dukh bharri sham hoti hey Woh mujh sey poochthi hey, log itney kamnazar kyoon hein? Mein kehta houn, kameena pan yahan adaat mein shamil hey Woh kehti hey, miloon tum sey tu kyoon ker log jaltey hein Mein kehta houn, keh unko unki kamtari satatti hey Woh kehti hey, abhi tak khwab hein kyoonker nigahoon mein Mein kehta houn, abhi tak zindagi ki aaaas baqi hey Woh kehti hey, ulajh jati houn mein yadoon ki daldal mein Mein kehta houn, merey bhi zehn mein sochoon ka jungle hey Woh kehti hey, ab kaisa laga hey laut ker aana Mein kehta houn, abhi tu kuch nai badla zamaney mein Mein kehta houn, merey her soo ghamoon ki raat hey koi Woh kehti hey, koi din bhi nikal aaeyga chupkey sey Woh kehti hey, tumhein kyoon roshni acchi nai lagti Mein kehta houn, andheiroon sey shanasai hey barsoon ki Woh kehti hey, tera damaan haseen phooloon sey bharr doun gi Mein kehta houn, ghamoon nein cheidh ker daaley hein jholi mein Woh kehti hey, mujhey damaan rafo kerna bhi aata hey Mein kehta houn, sada qaim rahey tei maseehai Woh kehti hey, kai baatein bhulla deina hi behtr hey Mein kehta houn, mera mazzi bhi naqsh'e aab hey koi Woh kehti hey, ajab ik dard sa uttrey hey rug rug mein Mein kehta houn, mohabbat dard ki tameer kerti hey Woh kehti hey, abhi tak hey ye mausaam judai ka Mein kehta houn, meri jaan kia karoon bas mein nahin kuch bhi Woh kehti hey, keh her rasta tujhey hi dhoondhna hoga Mein kehta houn, mujhey ehsaas hey her zimmeydaari ka Woh kehti hey, keh kyoon mah'e mohabbat ghatney lagta hey Mein kehta houn, amavas ki siyah raatein bhi aati hein Woh poochthi hey, is qadar tum natavaan kyoon ho Mein kehta houn, ghamoon nein roh ko bhi ker diya ghayal Woh kehti hey, ajab ik khauf hey dil key shigafoon mein Mein kehta houn, mujhey bhi bey'yaqeeni dasti rehti hey Woh kehti hey, zamana roand daaley ga mohabbat ko Kaha mein nein, meri jaan mein magar tumko bacha loun ga Woh kehti hey, ajab ghum'e zehr sa dil mein utterta hey Mein kehta houn, mera dil reit ki surat bikherta hey Woh kehti hey, nikal aao ghubaar'e zaat sey bahir Mein kehta houn, nahin kuch bhi madar'e zaat sey bahir Woh kehti hey, merey lab per mohabbat key taraney hein Mein kehta houn mohabbat key sabhi mausam suhaney hein |
Re: Woh kehti hey, Teri meri mohabbat raaz hey ab tak wo kehti hai batao besabab kio rooth jatay ho mai kehta hoon zara muj ko manaoo acha lagta hai wo kehti hai mera dil tm se aakhir kio nahi bharta main kehta hoon mohabbat ki koi hadd nahi hoti woh kehti hai batao mai tmhai kio bha gai itna main kehta hoon meri jaan haadsay to ho hi jatay hain wo kehti hai achanak mai tmhai uoon hi ruladoon to mai kehta hoon muje darr hai k too bhi bheeg jaye gi |
All times are GMT +5. The time now is 12:27 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.