پُراني آوازوں کي بازگشت
اُسامہ بن لادن کي مفروضہ زندگي ميںيعني يکم مئي کے ايبٹ آباد کے امريکي آپريشن سے پہلے مسلم حلقوں کي جانب سے موقع بہ موقع آوازيں آتي تھيں کہ مسلمانانِ ہند بن لادن کي پاليسيوں سے اتفاق نہيں کرتے، بن لادن کے افکار ونظريات اسلام کے منافي ہيں، اسلام دہشت گردي کے خلاف ہے، القاعدہ اور بن لادن اپني کارروائيوں سے اسلام اور مسلمانوں کو نقصان پہنچارہے ہيں، ہم بن لادن کے طريقوں کي مذمت کرتے ہيں، وغيرہ وغيرہ۔ بعض سادہ لوحوں کا خيال تھاکہ ايبٹ آباد ميں بن لادن کي موت کے ڈرامے کے بعد اس صفائي کي ضرورت باقي نہيں رہے گي، ليکن يہ خيال غلط ثابت ہوا، اس لئے کہ اُسے غلط ثابت ہونا ہي تھا۔ اسلام مخالف قوتوں کا چھوڑا ہوا يہ سايہ آج بھي مسلمانوں کا تعاقب کررہاہے؛ اور اس کے لئے خود مسلمانوں کاايک طبقہ ذمہ دار ہے جس ميں خير سے اہل علم اور دانشور بھي شامل ہيں۔ يہ طبقہ يا تو دانستہ طورپر فريب کھارہاہے، يا بے شعوري اور بے خبري کي کيفيت ميں ہے يا عافيت پسند واقع ہوا ہے يا پھر فراستِ مومنانہ سے کام لينے کا قائل نہيں ہے۔
ذہن کا تازہ ثبوت
تازہ ثبوت اِس ذہن کا 8 جولائي کے ٹائمس آف انڈيا کي ايک رپورٹ سے ملاہے۔ رپورٹ کي سرخي ہے ’’اسامہ نے ہندوستاني مسلمانوں کو پريشان کرکے رکھ ديا۔‘‘ خاتون رپورٹر نے کئي مسلم دانشوروں اور اہل علم سے اس سلسلے ميں اُن کے خيالات جاننا چاہے۔ سوال غالباً اس تناظر ميں تھا کہ بن لادن کاقصہ ختم ہوجانے کے بعد بھي مسلمانوں کو دہشت گردي کے نام پر ہراساں کئے جانے کاسلسلہ ختم نہيں ہوا اور آج بھي کچھ گروپوں پر بن لادن کے حمايتي ہونے کاالزام ہے اور مسلم نوجوانوں کي پکڑدھکڑ جاري ہے؛ بعض دانشوروں نے اس صورت حال کوجہاں بجاطورپر پوليس اور خفيہ ايجنسيوں کي فرقہ وارانہ ذہنيت قرار ديا اور اسے تقسيم ہند کے بعد کي نفسيات بتايا، وہيں اکثر نے وہي پراني بے خبري اور سطحيت کاثبوت ديا جس کے کچھ نمونے اوپر نقل کئے گئے ہيں۔ يعني بے جان القاعدہ اور بے حقيقت بن لادن کے افکار و نطريات سے برأت؛ اس بے خبري نے کچھ لوگوں سے مزيد کچھ غيرذمہ دارانہ باتيں بھي کہلواديں ، مثلاً ’’يہاں گلوبل اُمہ کے تصور کے اثرات محدود ہيں۔‘‘ گويا عالمي امت کا تصور بجائے خود غلط ہے۔
امريکي منصوبے کا تيسرا حصہ
اِس کامطلب صاف طورپر يہ ہے کہ امريکہ کي سرغنائي ميں اسلام مخالف طاقتوں نے امت مسلمہ کے خلاف جو تين نکاتي منصوبہ بناياتھا، بظاہر کامياب ہورہاہے۔ (1) مسلم حکمرانوں کو مجبور محض بناکر ان کے قدرتي وسائل پر مکمل قبضہ کرنا (2)عام مسلمانوں کو جن ميں غيور وجري مسلمان بطور خاص شامل ہيں، جگہ جگہ کچل کر رکھ دينا (3)عام دنيا کے ساتھ مسلم اہل علم اور دانشوروں کو بھي يقين دلاديناکہ اسامہ بن لادن نام کاکوئي شخص واقعي بہت بڑا ’’اسلامي دہشت گرد‘‘ تھا اور اس کاالقاعدہ آج بھي زندہ اور سرگرم ہے۔ مسلم دانشوروں کے مذکورہ بالا خيالات کا تعلق امريکي منصوبے کے تيسرے حصے سے ہے۔ امريکہ نے جنگ افغانستان کے مختلف گروپوں ميں سے ايک کا نام اچھالا، اس کے ليڈر کو اپنا سب سے بڑا دشمن قرار ديا، امريکہ کي مخالفت ميں جہاں کچھ مسلمان خوش ہوگئے کہ چلوکوئي تو ہيرو پيدا ہوا، وہيں بہت سے مسلمانوں نے اس فرضي کردار کو حقيقت مان کر امريکي کاز کي خدمت شروع کردي____ اب سوال يہ ہے کہ غيرمعتبر عناصر کے کہنے پر کسي شخص کو وہ کچھ کہنا جو في الواقع وہ نہيں تھا، کہاں کاانصاف ہے؛ اسلامي فراست تو دور يہ عام انساني عقل کے بھي خلاف ہے
18-09-2011, 02:53 AM
.BZU.
18-09-2011, 02:53 AM
Don't cry because it's over, smile because it happened 
Linear Mode
Similar Threads