Bikhren gay meray saray armaan dekh lena

[.BZU.]

Bikhren gay meray saray armaan dekh lena
Jab tum bano gyi mujh say anjaan dekh lena.

Tum khush raho gyi phir mehsoos ho ga aksar
Jeewan ke saray lamhay weeran dekh lena.

Mujh ko na lay chalay to koyi na sang chalay ga
Raheen tumhari hoon gi sunsaan dekh lena.

Jaan heyat pi ker pa loon ga apni manzil
Meri b hoon gi mushkil aasan dekh lena.

Maujon se chot kha ker sahil ko tham lo gay
Lykin karo gyi apna nuqsaan dekh lena.

Daman bacha ke apna kantoon ki rahguzar say
Ik din bano gyi meryi mehmaan dekh lena.

Sapnoo ki sarsarahat har roz tang kare gi
Aaye gi yaad meri, nadaan dekh lena.

Meri dua rahay gi teray sath saya ban ker
Tujh ko na choo sakay ga toofan dekh lena.