Na huaa kabhi kuch hasil mujhe guzara huaa ek saal hun,

[usman_latif_ch]

Na huaa kabhi kuch hasil mujhe guzara huaa ek saal hun,
Aye zindagi tujhe kya kahu main khud hi ek sawal hun.

Lashkar hun jo shikasht hun, sukhi huyi ek darakht hun,
Baqee hai jo wo khawab hun dhundhla sa ek khyal hun.

Dhaldti huyi wo shaam hun bujhti huyi wo charagh hun,
Ek dard jo na guzar saka muflisi ka wo ek malal hun.

Woh chaman hun jo ujad gaya jahan bahar ab aati nahi,
Murjhaya saa ek phool hun aur sukhi usi ki ek daal hun.

Lahron ki wo sahil hun main jahan lahrein bhi aati nahi,
Taalab wo nadi hun main aur samandar ka ek mishal hun.

Na huaa kabhi hasil mujhe guzara huaa ek saal hun,
Aye zindagi tujhe kya kahu main khud hi ek sawal hun.