Nisaar main tere galiyon pe ae watan, kay jahaan

[.BZU.]

nisaar main tere galiyon pe ae watan, kay jahaan

chale hai rasm kay koe na sar uthaa ke chaley
jo koe chaahane wala tawaaf ko nikale
nazar churaa ke chale, jism-o-jaaN bachaa ke chaley

hai ahl-e-dil ke liye ab ye nazm-e-bast-o-kushaad
kay sang-o-Khisht muqayyat hain aur sang aazaad

bahot hain zulm ke dast-e-bahaanaa-juu ke liye
jo chand ahl-e-junun tere naam levaa hain
bane hain ahl-e-hawas muddae bhe, munsif bhe
kise wakeel karen, kis se munsife chaahen

magar guzarane waalon ke din to guzarate hain
tere firaaq men yun subh-o-shaam karte hain


bujhaa jo rauzan-e-zindaan to dil ye samajhaa hai
ki tere maang sitaaron se bhar gae hoge
chamak uthe hain salaasil to ham ne jaanaa hai
ki ab sahar tere ruh par bikhar gae hoge

gharaz tasavvur-e-shaam-o-sahar main jete hain
giraft-e-saayaa-e-diwaar-o-dar main jete hain

yuun he hameshaa ulajhate rahe hai zulm se halq
na un ke rasm nae hai, na apane reet nae
yuun he hameshaa khilaaye hain ham ne aag men phuul
na un ke haar nae hai na apni jeet nae

ise sabab se falak kaa gilaa nahen karate
tere firaaq main ham dil buraa nahen karate


gar aaj tujhase judaa hain to kal baham honge
ye raat bhar ke judae to koe baat nahen
gar aaj auj pe hai taala-e-raqeeb to kyaa
ye chaar din ke Khudae to koe baat nahen

jo tujhse ahd-e-wafaa ustavaar rakhte hain
ilaaj-e-gardish-e-lail-o-nihaar rakhate hai