BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan

tumhaare lahaje me.n jo garmii-o-halaavat hai
ise bhalaa saa ko_ii naam do vafaa kii jagah
ganiim-e-nuur kaa hamlaa kaho a.Ndhero.n par
dayaar-e-dard me.n aamad kaho masiihaa kii
ravaaN-davaaN hue Khushbuu ke qaafile har suu
Khalaa-e-subah me.n guu.Njii sahar kii shahnaa_ii
ye ek kohraa saa ye dhuNdh sii jo chhaaii hai
is iltahaab me.n surmagii.n ujaale me.n
sivaa tumhaare mujhe kuchh nazar nahii.n aataa
hayaat naam hai yaado.n kaa talKh aur shiirii.n
bhalaa kisii ne kabhii rang-o-buu ko paka.Daa hai
shafaq ko qaid me.n rakhaa sabaa ko band kiyaa
har ek lamhaa gurezaa.N hai jaise dushman hai
na tum miloge na main ham bhii dono.n lamhe hai.n
vo lamhe.n jaake jo vaapas kabhii nahii.n aate