BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan - Khayaal hai ke bujhaa do ye roshnii ke charaagh

Khayaal hai ke bujhaa do ye roshnii ke charaagh
Ke mastiiyon ke jalaaye hain be-khudii ke charaagh

Chalo nigaah kii mashal ko saath le ke chalain
Faraz-e-shauq pe roshan hain aagahii ke charaagh

Rawaish rawish pe haraasan hain chaand kii kirnain
Qadam qadam pe sulagte hain be-kasii ke charaagh

Machal rahe hain bohat saanp aastiinon main
Bharrak rahe hain abhii shaam raastii ke charaagh

Chamak rahii hai larrii mottiiyon ke siine par
Jalaaye kis ne ye gulhaa-e-shabnamii ke charaagh

Uchhaal 'saghar' may, dil bahaal hon saaqii
Ke roshnii ko taraste hain zindagii ke charaagh

******************** *****
(Saghar Siddiqi )