Ishq aur Doctry Ishq aur Doctry Us nay kaha, Dr. sahiba Main nay kaha jee sir jee Us nay kaha, bukhaar hai Main nay kaha, check karti hoon abhi Us nay kaha, Wajood mein gehma gehmi hai Main nay kaha, temperature to nahi hia abhi Us nay kaha, dil ki dhadkan taez hai Mai nay kaha, tumhara BP high hai abhi Us nay kaha, aankhoon mein chubhan si hai main nay kaha, Ointment daal lia karo kabhi kabhi Us nay kaha, rang zard hai abhi Main nay kaha, sabar karo Iron pills laa deti hoon tum ko abhi Us nay kaha, ghaao nahi bhartay Main nay kaha, Ascorbic Acid kha lia karo kabhi kabhi Us nay kaha, paet mein titliyaan naachti hain Main nay kaha Pipto Bismol pee lo tum abhi abhi Us nay kaha, Ishq ka mareez hoon Main nay kaha, jooto say bhi ilaaj karti hoon kabhi kabhi Us nay kaha, dil ki sab bateen hain keh daaleen main nay Main nay kaha, Doctry say mohabbat shuru, mohabbat khatam hai teri meri |
All times are GMT +5. The time now is 11:27 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.