BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan

میری بیوی قبر میں لیٹی ہے جس ہنگام سے
وہ بھی ہے آرام سے اور میں بھی ہوں آرام سے

کس طرح گزران ہو گی اب سپر اقوام سے
مانگتی ہیں دام بھی وہ بندئہ بے دام سے

گھوڑے نکلے، اُونٹ نکلے ، موٹریں نکلیں ،مگر
ایک بھی عالم نہ نکلا عالمِ اسلام سے

پھر وہ جنرل الیکشن میں بھی ہو گا کامیاب
وہ جو ہے معروف گل گھوٹو کے عرفِ عام سے

جیسے سچ کچھ بھی نہیں جیسے خُدا کوئی نہیں
کس قدر اُمیدیں وابستہ ہیں انکل سام سے

جانے کیا پیوندِ آدم سے یہ پیدا کریں
آم اور امرود پیدا کر لیا بادام سے

دین تو بچتا نظر آتا نہیں نیو یارک میں
زلفِ ناجاں ہی بچا لے جائیے حجام سے

شعر کا سب حصہ گر الفاظ پر رکھا گیا
کھیلنا ہے جام سے اور وہ بھی خالی جام سے

ایک ہی پیغام ہے میرا جوانانِ عزیز
نام پاؤ علم سے ، آرام پاؤ کام سے

حسنِ نیچر کی عطا عظمت ثمر تہزیب کا
منفرد ہے مصر اپنے نیل اور اہرام سے

گر سیاست میں رہیں ایسی ہی خر بازاریاں
پارلمینٹیں خریدیں جائیں گی نیلام سے