Jo tum nay thhaan hi li hay.. Hamaary dil say niklo gay..
 

Jo tum nay thhaan hi li hay..

Hamaary dil say niklo gay..

To itna jaan lo pyaaray..

Samander saamnay ho ga ager..Sahil say niklo gay..!

Sitaaray, jin ki aankho'n nay humai'n aik saath daikha tha..

Gawaahi dainay aaey'n gay..!

Puraanay kaaghazo'n ki baalkuni say bohot say lafz jhaankai'n gay..

Tumhai'n waapas bulaaey'n gay..

Kaii waaday fasaadi qarz-khuwaaho'n ki tarah rastay may raukai'n gay..

Tumhai'n daaman say pakrrai'n gay..

Tumhaari jaan khaaey'n gay..!

Chhupa ker kis tarah che'hra..

Bhari mehfil say niklo gay..

Zra phir sauch lo jaanaa'n..

Nikal to jaao gay laikin..

Barri mushkil say niklo gay..!!