BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan

ایک لڑکے کی درد بھری داستاں سن کر ہم۔دونوں میاں بیوی ہی رو پڑے
زاہد بھائی کہنے لگے اماں اپنی پسند سے رشتہ طے کر آئی جیسا کہ ہمارے معاشرے میں اکثر ہوتا ہے اور میں صبیحہ کا نام لیتے لیتے رہ گیا (یونیورسٹی کی ہم جماعت۔جس سے عشق محبت کے عہدوپیماں ہوچکے تھے)
اماں جی کو حسب معمول ""نہ" نہیں کرسکا اور چٹ منگنی پٹ بیاہ ہوگیا۔
اندر ہی اندر روتا رہا اور قسمت کو کوستا رہا۔دوست تسلیاں اور حوصلے دیتے رہے کہ ماں کی بات مان کر کوئی دکھی نہیں رہتا تم بھی بھول جاوگے صبیحہ کو بہت جلد۔ ۔ ۔
شادی ہوگئی۔ماریہ سج دھج کہ دلہن بن کہ آگئی لیکن میرا دل خوش نہ تھا۔بارات کی رات کو گھر میں جھوٹ بول کر باہر نکل گیا کہ دوست کا ایکسڈنٹ ہوگیا ہے۔ہسپتال جا رہا ہوں جبکہ حقیقتا میں اپنی نئی نویلی دلہن کا سوچے بنا بس خود غرض ہوتا ہوا پرانی یادوں کی قبر پہ پہنچ گیا۔
واپسی پہ صبیحہ کے گھر پہنچ کر میسج کیا تم سے ملنا ہے دروازے تک آو
وہ ملنے آئی سرخ سوجی آنکھوں کیساتھ ۔ ۔مجھے دیکھ کر دکھ تو ہوا لیکن مجھے لگا تھا وہ میری مجبوری سمجھے گی کہ میں اماں جی کی مرضی کیخلاف نہیں جاسکتا لیکن وہ یہ بات سن کر الٹا مجھ پہ چڑھ دوڑی اور اللہ کا شکر ادا کرتے ہوئے مسکرا کر کہنے لگی
""شکر ہے اللہ کا میری تم جیسے بزدل اور بےوقوف سے شادی نہیں ہوگئی ورنہ ساری زندگی روتی رہتی جو اپنی پسند ناپسند نہیں بتا سکتا ۔اچھا ہوا جان چھوٹی تم سے۔
میں نے کہا میں مجبور ہوں سمجھنے کی کوشش کرو؟
وہ قہقہے لگا کر کہنے لگی
مردوں کے معاشرے میں صرف عورت مجبور ہوتی ہے اور جو مرد کہے وہ مجبور ہے وہ مرد ہی نہیں!!!
کسی تھپڑ سے کم نہیں تھا یہ جملہ!
اسے گالیاں دیتا برا بھلا کہتا گھر آیا۔تو دلہن اسی عروسی لباس میں اب تک انتظار میں بیٹھی تھی۔
مجھے اسے دیکھ کر مزید غصہ آگیا کہ جاہل عورت کو پتہ بھی تھا کہ ہسپتال گیا ہے لیکن یہ ویسے ہی بکرے طرح سج کہ بیٹھی ہے!
میں خاموشی سے چادر تکیہ اٹھایا اور صوفے پہ دبکے کہ سوگیا۔
اچانک آنکھ کھلی تو نئی دلہن مصلے پہ فجر ادا کر رہی تھی۔
کتنی ڈرامے باز ہوتی ہیں یہ عورتیں ۔چوبیس گھنٹے متاثر کرنے کے حربے ڈھونڈتی ہیں۔
جیسے تیسے وقت گزار رہا تھا۔آخر چار دن بعد بیگم نے خود خاموشی توڑی کہ
آپ کچھ بات کیوں نہیں کرتے؟
(ارے چڑیل بن کر نازل ہوگی اچانک میری زندگی میں ۔اب کیا بولو۔ ۔ میں دل ہی دل میں بڑبڑایا تھا۔)
ویسے ہی میں بہت کم بولتا ہوں۔
بیگم کہنے لگی جی میں بھی کم بولتی ہوں۔
میں جان بچا کر بھاگا۔
شادی کے تین ماہ گزر گئے اور ہمارے فاصلے کبھی کم نہ ہوئے تھے۔
جب بھی کوئی بات ہوتی ماریہ ہی بلاتی میں بت بنا رہتا۔
لیکن۔نہ۔وہ۔سوال جواب کرتی نہ کوئی فرمائش۔
نہ کہیں آنے جانے کا کہتی۔نہ کچھ کھانے کی فرمائش۔بس میرا ہر کام بخوشی اور دوڑ کر کرتی لیکن مجھے سخت کوفت ہوتی تھی ۔ایک سال گزر گیا اماں نے پوتے کا شور ڈال دیا۔
اب مجھ پہ اماں کا دباؤ زیادہ تھا۔
اماں کی بات ٹالوں کیسے؟
کچھ سمجھ نہیں آتا تھا۔میں نے ہمیشہ کیطرح جان چھڑانے کی کوشش کی اور اب رات رات گھر نہیں آتا تھا۔واپسی پہ ماریہ اکیلی جاگتی ملتی تھی مجھے اس پہ بھی جھنجھلاہٹ اور غصہ آجاتا تھا۔
اب اماں روزانہ بلاناغہ ماریہ سے لڑتی تھی کہ جانے کیا کہتی ہو میرے بیٹے کو ۔جو وہ رات رات بھر گھر نہیں آتا۔
یقینا تم میں ہی خرابی ہوگی جو ایسے گم صم بت بنی رہتی ہو۔کتنی بار کہا ہے کہ اولاد ہوجائے گی تو اس بیٹے کی پاؤں میں زنجیر ہوگی اپنی ذمےداری کی لیکن حرام ہے جو آج کل کی لڑکیاں بات مان لیں۔
اور یوں میری بے رخی ،اجنبیت اور اماں کی تلخ باتوں نے اسے مریض بنا دیا اور میں اپنی آوارگیوں میں مگن رہتا تھا باہر خوب رونق میں رہتا تو کچھ یاد نہ آتا دہلیز پہ قدم رکھتے ہی صبیحہ یاد آتی تھی۔
دو سال کے بعد اب ماریہ مجھ سے سوال پوچھتی تھی اور میں مزید بگڑ کر دکھاتا تھا۔ایک دن میں نے غصے میں کہہ دیا طلاق دے دونگا اب اگر مزید پوچھا تو۔ ۔ ۔
مجھے اندازہ نہیں تھا ماریہ کے اس ردعمل کا ۔
اس نے میرا گریبان پکڑ لیا اور کہا
دو مجھے طلاق؟
ابھی دو۔اسی لمحے وہ گرج کر بول پڑی تھی۔آج پہلی بار اسکی اتنی اونچی آواز سن کر حیران ضرور ہوا لیکن دوبارہ سے گرج کر بولا
ہاں کسی یار کیساتھ آنکھ مٹکا ہوگا جو میرے ساتھ نہیں رہا جارہا!
ماریہ چیخ کر بولی تھی دوبارہ
آج تک نظر اٹھا کر نہیں دیکھا کسی کو اور مجھ پر اتنا گھٹیا الزام ذلیل آدمی!
ذلیل آدمی سن کر میرا پارہ آسمان پہ چڑھ گیا اور ایک زوردار تھپڑ لگایا اور امید تھی اب یہ بولے گی نہیں بلکہ روئے گی لیکن وہ اصل عورت تھی۔
تھپڑ کھا کر اٹھ کھڑی ہوئی اور میری آنکھوں میں آنکھیں ڈال کہ بول گئی
"یہ تمہارے نا مرد ہونے کی نشانی ہے عورت پہ ہاتھ اٹھانا"
مجھے جسکی امید نہیں تھی وہ ہوگیا تھا اور میں نے غصے سے طلاق دے دی
نکل جاؤں میرے گھر سے ابھی۔
مجھے امید تھی میرے پاؤں پڑے گی لیکن وہ بنا روئے خاموشی سے اپنا برقعہ اٹھایا،زیور والا ڈبہ (حق مہر میں زیور لکھا تھا )پرس اٹھائے چلی گئی۔اور ایک بار بھی پلٹ کر نہیں دیکھا تھا توبہ کیسی ظالم عورت ہے
اماں گھر پہ نہیں تھیں۔ اماں کو جب اس بات کی خبر ہوئی اماں اپنا سر پیٹ کر رہ گئی کہ گدھے یہ کیا کیا تم۔نے؟
مجھ سے تو کام بھی نہیں ہوتا ۔جیسی بھی تھی کھانا پینا تو کر دیتی تھی۔ماریہ نے اپنا سامان منگوا لیا اور میں اپنی نظر میں سچا بنا رہا کہ جو عورت مرد کی عزت نہیں کرسکتی وہ طلاق کے ہی قابل ہوتی ہے۔
اب قسمت نے پاسا پلٹا ۔ میری صبیحہ سے شادی ہوگئی تھی۔صبیحہ کا شوہر اپاہج ہوگیا تھا اب اپاہج انسان کیساتھ زندگی گزارنا بہت مشکل ہوتا ہے۔
میرے قدم زمین پہ نہ ٹکتے تھے۔آہ واقعی محبت بہت سخت اور امتحان لیتی ہے!اور محبوب مل جائے اس سے بڑھ کر کیا ہوسکتا ہے؟
صبیحہ روزانہ لیٹ اٹھتی تھی تو اماں ڈانتتی تھی لیکن وہ اماں کو چپ کروادیتی تھی۔
اماں اور صبیحہ خوب لڑتی تھی۔وہ ایک بولڈ لڑکی تھی اور اپنے محبوب کیساتھ بیاہ کر آئی تھی سو اسے بھی مان تھا۔میں ہمیشہ دونوں کی صلح کرواتا تھا۔لیکن اماں ابھی بھی خوش نہ تھی شادی کے دوسرے سال ہی گھر میدان جنگ بن چکا تھا۔
اماں اور صبیحہ کی ہاتھا پائی ہوجاتی تھی۔
میرے دن برے تھے شاید۔کاروبار ٹھپ ہوتا چلا گیا ۔
صبیحہ کی فرمائش اور شاپنگز کے بلوں نے مقروض کر دیا اب اماں رہ رہ کے طعنہ دیتی اس کلموہی سے وہ بت ماریہ ہی اچھی تھی۔ آج تک زبان نہ چلائی تھی اس نے ۔
اور میں بھی جواب دیتا
تب تو وہ بھی زہر لگتی تھی اب اسکی سگی بن رہی ہیں۔
دو سال بمشکل ساتھ نکالے۔ناک میں دم کر دیا تھا صبیحہ نے۔اب محبت پہ بھی رہ رہ کہ پچھتاوا ہوتا تھا کہ جس جاہل سے محبت کر بیٹھا جو میری ہی بوٹیاں نوچ رہی ہے اور صبیحہ نے الگ گھر کا مطالبہ کردیا۔حالات بہت خراب تھے لیکن نہ اماں سمجھ نے کو تیار تھی نہ صبیحہ اور ایک بیٹی کا بھی ساتھ تھا لہذا مجھے نوکری کرنی پڑئی تھی۔
اتقاق سے ایک بہت بڑی ملٹی نیشنل کمپنی میں جاب مل گئی تھی۔
جاب کے تیسرے ہفتے جب باس کی بیگم خود ہم غریبوں میں عید تقسیم کرنے آئی تھی۔
دودھ جیسا کھلتا سفید چہرہ۔اور برقعہ پہننے اور اسکارف لپیٹے "ماریہ" !
اپنی آنکھوں پہ یقین نہ آتا تھا لیکن وہ ملکہ کیطرح چار نوکری اور وردی والے سپاہیوں کے حفاظتی پہرے میں آفس داخل ہوئی تھی۔
وہ بیس منٹ میری کل کائنات تھے۔جب تک میری باری آئی تھی۔ میں اس شفاف نیک چہرے کی زیارت کرتا رہا۔
جس عورت پہ ہاتھ اٹھایا ذلیل کیا اسکا حق کھایا۔اس سے بددیانتی کی وہ عورت میری آقا بن گئی اور میں اس کا غلام۔
واہ میرے اللہ کیا زبردست انصاف ہے تیرا۔اچھا کیا ورنہ مجھ جیسے جاہل اور انا پرست کو عقل کیسے آتی؟
اس کے ہاتھوں سے عیدی۔وصول کرکے ایسا لگا کسی نے مجھے زندہ دفنا دیا ہو۔ اس وقت۔ ۔ ۔اتنا دم گھٹ گیا تھا۔
ماریہ حیرت سے دیکھنے لگی
اور مسکرا کر عیدی دی اور ایک جملہ کہہ کر واپس چلی گئی۔
""تم جس قابل تھے میرے اللہ نے وہی تمہیں پہنچا دیا اور میں جس انگوٹھی کیلئے تھی اسی انگوٹھی میں ہیرے کی مانند فٹ ہو کر چمک گئی""
آج اذیت کے دس سال گزر گئے۔لیکن میرے دل میں ماریہ کی محبت کا پودا پیڑ بن گیا ہے۔
اور باقی دنیا نظر ہی نہیں آتی۔
---------------
ممبر: مدیحہ اخلاق صاحبہ