BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan

’’گالیاں‘‘
وہ گدھے کے پیچھے پیچھے جارہا تھا اس کے ہاتھ میں ایک چھڑی بھی تھی وہ منہ میں کچھ بڑبڑا بھی رہا تھاشاید گدھے کو گالیاں دے رہا تھا، میں نے پوچھا چاچا خیر تو ہے کافی غصے میں ہو، کہنے لگا یہ حرام خور روز اسی راہ پر منڈی جاتا ہے مگر مجال ہے جو ایک دن بھی اس نے بغیر ہانکے یا چھڑی کھائے اپنی رفتار بڑھائی ہواور ادھر ادھر منہ مارنے کی کوشش نہ کی ہو۔
میں نے کہا چاچا چھوڑو یہ تو پھر بھی گدھا ہے ناسمجھ ہے ہم تو انسانوں کو سمجھا سمجھا کر تھک گئے ہیں مگر مجال ہے جو انہوں نے سمجھنے کی کوشش کی ہو۔ کھلی آنکھوں سے مکھی نہیں نگلتے مگرروز اپنے رہنمائوں کے کرپشن کے قصے سننے کے بعد بھی یہ ان کے سارے کرتوت ایسے ہضم کرتے ہیں جیسے ان کےگناہ ان کی کرپشن اور ان کی خرابیاں ہی ان کے نجات کا واحدسبب ہوں۔