BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan - Raah-e-Wafa Mein Har Su Kantey, Dhoop Ziyada Saaye Kam

Raah-e-Wafa Mein Har Su Kantey, Dhoop Ziyada Saaye Kam
Lekin Iss Pe Chaleny Waley Khush Hi rahe , Pachhtaaye Kam

Umer phoolon Ki Do Din,Jis Mein Yeh Bhi Qayamat Beet Gayee
Dast-e-Hawas Ne Nauchey Laakhon, Shakhon Pe Murjhaaye Kam

Aah Ye Zalim Talkh Haqeeqat Jitney Safiney Gharaq Huway
Aksar Apni Mauj Mein Doobay Toofaan Se Takraaye Kam

Rah Ravi Ka Sab Ko Da'awa, Sab Ko Ghuroor-e-ishq-o-Wafa
Raah-e-Wafa Pe Chalney Waaley Hum Ne Lekin Paaye Kam

Dheemi Dheemi Chaal Se Hum Ko Reh-Guzar Tay Karni Hai
Naz Tha Jin Ko Tez-Ravi Pe, Manzil Tak Woh Aaye Kam

Mujh Se Shikayat Dunya Bhar Ko Shiddat-e-Gham Mein Roney Ki
Lekin Mujh Ko Uss Ka Rona, Aankh Mein Aansoo Aaye Kam

Sabr-o-Sukoon Ki Dunya Lootey Husn Dikha Kar Jalwoun Ko
Ishq Magar Khud Shab Bhar Tarpey, Auroun Ko Tarpaaye Kam