Bichar ke mujh se na zindagi bhar udas rehna Kaha thaa mein ne Bichar ke mujh se na zindagi bhar udas rehna Kaha thaa mein ne Jo hosakay tu tamaam yaadain samait lena Kaha thaa mein ne Phir aaj apni wafa ke daman mein zakhm lekar udas kyo ho Muhabbaton ki ruttoon mein apna khayal rakhna Kaha thaa mein ne Wohi huwa na, ke manziloo ko ganwa kar tanha bhatak rahe ho Sambhal ke chalna, faraib dega har ek rasta Kaha thaa mein ne Milain kuch aise zakhm bhi ghehray bichar ke jeena muhal thehray Na itni shiddat se zindagi bhar kisi se milna Kaha thaa mein ne Mein ab bhi nafrat ke zehar ugalti fiza mein tanha sulagh raha hon Tumhare baad is nagar mein koi nahe hai apna Kaha thaa mein ne Aur ab tu donoo hi apni apni wafa ke raizoo ko chun rahe hain Zamaana pathar, tu pyar apna hai ek sheesha Kaha thaa mein ne Bata ‘Tabassum’ jawab sun kar nazar kyo khamoshi se jhuka li Gae dinoo ka kabhi na mujh se sawal karna Kaha thaa mein ne.. |
All times are GMT +5. The time now is 07:12 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.