BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan - Khabar-e-Tahayyur-e-Ishq Sun Na JunuuN Rahaa Na Parii Rahii

Khabar-e-Tahayyur-e-Ishq Sun Na JunuuN Rahaa Na Parii Rahii
Siraj Aorangaabaadi

Khabar-e-tahayyur-e-ishq sun na junuuN rahaa na parii rahii
na to tuu rahaa na to main rahaa, jo rahii so beKhabarii rahii

shaah-e-beKhudii ne ataa kiyaa mujhe ab libaas-e-barahanagii
na Khirad kii bakhiyaagarii rahii na junuuN kii pardaadarii rahii

chalii simt-e-Gaib se ik havaa ki chaman zahuur kaa jal gayaa
magar ek shaaKh-e-nihaal-e-Gham jise dil kahein so harii rahii

nazar-e-taGaaful-e-yaar kaa gilaa kis zabaaN soun bayaaN karuuN
ki sharaab-e-sad-qadaah aarazuu Khum-e-dil mein thii so bharii rahii

vo ajab gharDii thii main jis gharDii liyaa dars-e-nusKhaa-e-ishq kaa
ki kitaab-e-aql kii taaq mein jyuuN dharii thii tyuun hii dharii rahii

tere josh-e-hairat-e-husn kaa asar is qadar soun yahaaN huaa
ki na aa-iine mein rahii jilaa na parii kuuN jalvaa-garii rahii

kiyaa Khaak aatish-e-ishq ne dil-e-benavaa-e-"Siraj" koun
na Khatar rahaa na hazar rahaa magar ek beKhatarii rahii

Regards