BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan - Khuda se husn ne eik roz ye sawaal kiya jahan mein kyun na mujhey tuney lazawaal kiya

Khuda se husn ne eik roz ye sawaal kiya
jahan mein kyun na mujhey tuney lazawaal kiya

mila jawaab k tasveer khana hai duniya
shab-e-daraz-e-adum ka fasaana hai duniya

hoti hai rang-e-taghaiyur se jab namood is ki
wahi haseen hai haqeeqat zawaal hai jis ki

kahin qareeb tha, ye guftagu qamar ne suni
falak pey aam hui, akhtar-e-saher se suni

saher ne taarey se sun ker sunai shabnam ko
falak ki baat bata di zameen k mehram ko

bhar aaey phool k aansoo payaam-e-shabnam se
kali ka nanha sa dil khoon hogaya gham se

cham se rota hua mausam-e-bahaar gaya
shabaab seir ko aya tha, sogawaar gaya.......