Muhabbat [ Iqtibasat ] Muhabbat bhi to zindagi ki terha hoti hy, her mor per asaan nahi hoti or her mor per khushian nahi miltin, phir jab hum zindagi ka sath nahi chhorty to, muhabbat ka sath kion chhor dety hain...? Muhabbat woh aag hy jo tail daaly jana pasand kerti hy, woh zakhm hy jisy namak ki khuahish hy, woh aankh hy jo bheegna chahati hy.. muhabbat kerny wala kabhi iss baat per mutmain nahi hota k ussy ek din k liy mukammal toor per muhabbat hasil hoi..muhabbat to her din k sath aea'da chahti hy, roz suraj na cherhy to din nahi hota, jis roz muhabbat ka aftaab tulo na ho, raat rehti hy... Muhabbat woh marz hy jiska pata dosro ko pehly chalta hy or khud ko baad main... Muhabbat ko lamhon main jeeny walon ka ek hi almiya hota hy k zindagi k tarazoo main us k dukh sukh, khushi ghumi k palry hamesha baraber rehty hain, muhabbat unhain ruhani khushi deti hy to qalbi dard bhi, khush naseebi or bad naseebi un k pallo main sath sath bandhi hoti hy.. Muhabbt kerny walt buzdil nahi hoty bas dary sehmy rehty hain, woh chahyn bhi to baahdur nahi ho sakty, kho deny ka dar unhain bahadur nahi hony deta... Muhabbat aisi titli hy jo babool py beth k apny saary rung utaar leti hy....phir ta-umer by rung or by rooh zindagi jiey jati hy.. |
All times are GMT +5. The time now is 02:06 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.