BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan

BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan (http://bzupages.com/)
-   Urdu Articles (http://bzupages.com/320-urdu-articles/)
-   -   Muthi Bhar Mitti (Iqtibasat) (http://bzupages.com/f320/muthi-bhar-mitti-iqtibasat-19726/)

haseeb 22-10-2011 12:10 PM

Muthi Bhar Mitti (Iqtibasat)
 
"from Miss S.Honey,Karachi"

A..O..A Frnds,
Ajj Umera Ahmed ki tehreer "Muthi bhar Mitti" perhny
ka ittifaq hoa, us main kuch baatyn achhi lagin to
socha kion na group main share kia jay...... so here it is;

"Kisi bhi Mulk main kuch nahi hota, her mulk zameen ka
ek tukra hota hy. Asal cheez us zameen k tukry per basny
waly logon main hoti hy. Kami hamesha un logon main
hoti hy or yeh khaami us mulk ka ta'aruf ban jati hy.......
Aisa sign board jisy phir woh mulk uthay phirta hy"

~~~~~~~~~~~~~~~~~~~~~~~~~~~~~~~~~~~~~~~~~~~~~~~


Mery bety ny mujh sy kaha : Main sochta hon Abbu! burhapa
Pakistan main hi guzaron ga.60-70 saal ki umer main yahan
aa jaon ga,insan ko dafan apni Mitti main hi hona chahiy
hy na?
Woh mujh sy apni hubb.ul.watni ki daad chah raha tha, Main
ny uska chehra dekha or kaha;
"Pakistan ko tumhari qabron or tabuton ki zarorat nahi hy.
Pakistan ko tumhari jawani or woh garam khoon chahiy jo
tumhari ragon main khuab or idealism ban ker dourta hy.
Ager Pakistan ko apni jawani nahi de saky to apna burhapa
bhi mat do..... Jis Mulk main tum jeena nahi chahty wahan
marna kion chahty ho...... Baher ki mitti ki thandak marny
k baad berdasht nahi hogi tab apni Mitti ki germi chahiy?
Nahi Beta aap wahin rahyn, Her shakhs k muqaddar main
ba.Watan hona nahi likha hota"

~~~~~~~~~~~~~~~~~~~~~~~~~~~~~~~~~~~~~~~~~~~~~~


"Mujhy kabhi iss Chhoty, Taraqi.pazeer, Gandy or Tooti srkon
waly Mulk ka Shehri hony per shrmindagi nahi hoi, Shayed
iss wajah sy kion k main ny kabhi is k masaeel main izafa
nahi kia. Main ny hamesha issy apny pass mujud sab sy
behtreen shey di hy.
Aap main sy koi iss cheez ko nahi smajh sakta, Aj apka
Ghar chhin jay or aap larty jhagarty meri terha khoon de
ker uss Ghar ko wapas leyn to phir apko woh toota phota,
ganda Ghar Jannat sy kam nahi lagy ga. Tab aap kisi ko
uski deewar per hath tak nahi rakhny deyn gy,kahan yeh
k kisi ko ander aany deyn."

~~~~~~~~~~~~~~~~~~~~~~~~~~~~~~~~~~~~~~~~~~~~~

"Main apny pooty k sath qadam milany ki pori koshish
kerta hon mager thak jata hon, Daanista_______ Woh
mera mustqbil hy, Mery Pakistan ka Muastaqbil_____
Apny Mustaqbil ko kon harana chahy ga________?"

ALLAH TA'ALA Pakistan ko salamt rakhyn,or humary dilon
main iski izzat.o.muhabbat ko salamt rakhyn sada, ameen.


All times are GMT +5. The time now is 01:38 AM.

Powered by vBulletin® Version 3.8.2
Copyright ©2000 - 2024, Jelsoft Enterprises Ltd.