BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan

BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan (http://bzupages.com/)
-   Urdu Poetry (http://bzupages.com/109-urdu-poetry/)
-   -   Zakhm-e-tanhai main khushbu-e-hina kis ki thi (http://bzupages.com/f109/zakhm-e-tanhai-main-khushbu-e-hina-kis-ki-thi-17957/)

.BZU. 08-09-2011 10:43 PM

Zakhm-e-tanhai main khushbu-e-hina kis ki thi
 
Zakhm-e-tanhai main khushbu-e-hina kis ki thi
Saya diwar pe mera tha sada kis ki thi

Uski raftar se lipti rahi meri ankhen
Us ne mur kar bhi na dekha kay wafa kis ki thi

Waqt ki tarah dabay paon ye kaun aya hay
Main andhera jise samjha wo qaba kis ki thi

Anson se hi sahi bhar gaya daman mera
Hath to main ne uthaye the dua kis ki thi

Meri ahon ki zaban koi samajhta kaise
Zindagi itni dukhi mere siwa kis ki thi

Ag se dosti us ki thi jala ghar mera
Dai gaye kis ko saza aur khata kis ki thi

Main nay binaiyan bow kar bhi andhere kate
Kis kay bas main thi zamin abr-o-hawa kis ki thi

Chor di kis liye tu ne "Muzaffar" duniya
Justaju si tujhe har waqt bata kis ki thi


All times are GMT +5. The time now is 02:21 AM.

Powered by vBulletin® Version 3.8.2
Copyright ©2000 - 2020, Jelsoft Enterprises Ltd.