BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan - Mai’n kyon na tarak-e-taluq ki ibtadaa kerta

Mai’n kyon na tarak-e-taluq ki ibtadaa kerta
Wo door dais ka baasi tha kaya wafa karta

Wo mairay zabat ka andaza kernay aaya tha
Mai’n hans kay zakham na khataa to aur kaya kerta

Hazaar aaina khaano mai’n bhi paa na sakka
Wo aaina jo mujhe khud se aashanaa kerta

Dar-e-qafass pay qayamat ka habass tha warna
Saba se zikar tera mai’n bhi sunn lia kerta

Meri zamee’n tu agar mujh ko raas aa jati
Mai’n rifato’n mai’n tujhay aasama’n sa kerta

Gham-e-jaha’n ki mohabbat lubhaa rahi thi mujhe
Mai’n kiss tarah teri chahat pay aasraa kerta

Agar zubaan na kat’te tau shahar mai’n Mohsin
Mai’n pathro’n ko bhi ek roz hamnawaa kerta