BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan - Behtreen Shakh koon hay ; بہترین شخص کون ہے؟

٭ تم میں سب سے بہتر وہ ہے جو دنیا سے کنارہ کش ہو اور آخرت کی طرف زیادہ مائل ہو۔
٭ تم میں سے سب سے بہتر وہ ہے جو اپنے گھر والوں سے اچھا سلوک کرتا ہو اور اپنے اہل و عیال کا بہت خیال رکھتا ہو اور یاد رکھو کہ عورتوں کی عزت صرف کریم ہی کرسکتا ہے اور عورتوں کی توہین کمینہ ہی کرے گا۔ جو اپنی عورتوں کے معاملے میں اچھا ہو وہ سب سے اچھا ہے۔
٭ سب سے بہتر اسلام اس شخص کا ہے جس کے اخلاق بلند ہوں اور وہ شریعت کے مسائل و احکام سے بھی واقف ہو۔
٭ جو شخص اپنی عورتوں اور بیٹیوں کا زیادہ خیال رکھتا ہے وہی سب سے بہتر آدمی ہے۔
٭ بہترین شخص وہ ہے جس سے خیر کی ابتدا ہوتی ہو اور شر کا احتمال نہ ہو اور بدترین شخص وہ ہے جس سے خیر کی توقع نہ ہو اور اس کے شر کے امن نہ ہو۔
٭ امت کا بہترین شخص وہ ہے جو اللہ تعالیٰ سے مانگے اور لوگوں کو خدا کا محبوب بنانے کی کوشش کرے۔
٭ بہترین شخص وہ ہے جس سے لوگ فائدہ اٹھائیں
٭ سب سے بہتر وہ شخص ہے جس کے دیدار سے تم کو اللہ تعالیٰ یاد آئے، جس کی باتوں سے تمہارے علم میں اضافہ ہو، جس کے عمل سے تمہاری رغبت آخرت کی طرف بڑھنے لگے۔
٭ بہترین دوست وہ ہے جب تم اللہ تعالیٰ کو یاد کرو وہ تمہاری مدد کرے اور جب تم اللہ تعالیٰ کو بھلادو تو وہ یاد دلائے۔
٭ بہترین شخص وہ ہے جس کو سب سے بہتر قرآن پڑھنا آتا ہو، شرعی مسائل سے واقف ہو، امر بالمعروف اور نہی عن المنکر کرتا ہو اور صلہ رحمی میں سب سے آگے ہو۔
٭ بہترین عورت وہ ہے کہ جب شوہر اس کی طرف دیکھے تو سرور پیدا ہو اور جب اس کو حکم دے وہ اطاعت کرے اور شوہر کی مخالفت دل میں بھی نہ کرے اور نہ ہی معاملات میں ۔