Self Made Logon Ka Almia SELF MADE LOGON KA ALMIA…… Roshni mizajon ka kia ajab muqaddar hai Zindagi k rastay may, bichnay walay kanton ko Rah say hatanay main Aik aik tinkay say,aashiaan bananay main Khushbuaain pakarnay main, gulistaan sajanay main Umr kaat daytay hain Umr kaat daytay hain.... Or apnay hissay k phool bant daytay hain Kaisi kaisi khwahish ko, qatl kartay jatay hain Umeed k Gulistan main abar ban kay rehtay hain Sabr kay samandar may kishtiaan chalatay hain Yeh nahi kay in ko iss, roz-o-shab ki kahish ka Kuch sila nahi milta Marnay wali aason ka, Khoon baha nahi milta Zindagi kay daman may jis qadar bhi khushyan hain Sab hi haath aati hain Sab hi mil bhi jati hain waqt per nahi aateen..... Waqt per nahi milteen, Yaani un ko mehnat ka, Ajar mil tu jata hai Laikin is tarha jaisay Qarz ki raqam koi..qist qist ho jaay Asal jo ibaarat ho, pass-e-nawisht ho jaay Fasl-e-gul kay aakhir may phool in kay khiltay hain In kay sehen may sooraj dair say nikaltay hain A poem by Amjad Islam Amjad |
All times are GMT +5. The time now is 01:34 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.