BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan - Fraud Band Pakistan, Broadband Pakistan پی ٹی سی ایل ۔ فراڈ بینڈ پاکستان

Fraud Band Pakistan, Broadband Pakistan پی ٹی سی ایل ۔ فراڈ بینڈ پاکستان

میں چند آرٹیکلز مختلف کمپنیوں اور تاجروں کی گھٹیا سروس کے بارے میں لکھنا چاہ رھا ھوں جن سے یقینا آپ کو بھی شکایت ھو گی۔ اگر آپ بھی ان موضوعات پر اظہارِ خیال فرمائیں تو ھم کافی مفید معلومات کا تبادلہ کر سکتے ھیں۔
پی ٹی سی ایل یعنی پاکستان ٹیلی کمیونیکیشن نے براڈ بینڈ پاکستان کے نام سے ڈی ایس ایل انٹرنیٹ سروس شروع کی ھوئی ھے جس میں کافی سارے نقائص ھیں۔ چنانچہ اگر آپ یہ سروس لینا چاھتے ھیں تو ان نکات سے آگاھی آپ کے لیے مفید ثابت ھو گی یا پھر اپنے دوستوں اور رشتہ داروں کو آگاہ کیجیے تاکہ وہ اس وحشی کمپنی کی لوٹ کھسوٹ سے بچ سکیں۔
۱۔ چونکہ اس کا بل آپ کے فون بل میں ھی شامل کر دیا جاتا ھے لہذا آپ کو حکومتی ٹیکسوں کی مد میں تین چار سو روپے اضافی دینے پڑتے ھیں۔ اگر آپ کا بل ابھی چار پانچ سو ھے تو بارہ سو روپے اس سروس کے دینے کے بعد آپ کا فون ایک دم دو ڈھائی ھزار روپے تک چلا جائے گا۔ اگر آپ کسی دوسری کمپنی کی سروس لیتے ھیں تو یہ مشکل پیش نہیں آئے گی۔ اب تو دوسری کمپنیز ساڑھے نو سو روپے میں بھی یہ سروس دے رھی ھیں۔
۲۔ جونہی اس سروس کی وجہ سے آپ کا ماھانہ بل ایک خاص حد سے بڑھ جاتا ھے تو آٹومیٹک آپ سے پوچھے بغیر وائس میسیجنگ سروس آن کر دی جاتی ھے۔ اس پر پچھلے دنوں خاصہ واویلا بھی ھوا تھا مگر پی ٹی اے نے حسب سابق اس پر دھیان نہیں دیا۔ اس سروس کا مطلب ھے جب کوئی آپ کو کال کرے گا تو چار پانچ گھنٹیوں کے بعد خود بخود ریکارڈر آن ھو جائے گا اور کال کرنے والے کو کال پڑ جائے گی۔ جب آپ کسی پی سی او سے اپنے گھر فون کریں گے تو آپ کو بے تحاشا کوفت ھو گی۔
۳۔ پی ٹی سی ایل کے ملازمین چونکہ اکثر سفارشی ھوتے ھیں اس لیے ان کا فنی معیار بہت پست ھے آپ کو سروس کوالٹی بہت ھی خراب ملے گی۔ کئی کئی دفعہ تو بالکل بھی کام نہیں کرتی تاھم جب چلتی ھے تو ڈائل اپ سے بہتر محسوس ھوتی ھے۔
۴۔ فنی پستی ھی کی وجہ سے آپ کا کمپیوٹر وائیڈ ایریا نیٹ ورک پر بالکل اوپن ھو جاتا ھے یعنی دوسرے لوگ بڑی آسانی کے ساتھ آپ کی ھارڈ ڈسک میں موجود ڈیٹا کو کاپی پیسٹ کر سکتے ھیں۔ اگر آپ کے کمپیوٹر میں پرائیویٹ چیزیں ھیں تو اب وہ پبلک ھو گئی ھیں۔
۵۔ جب ھم کسی بھی کمپنی کا دس روپے کا انٹرنیٹ کارڈ لیتے ھیں تو ھم ویب سائٹ پر چیک کر سکتے ھیں کہ کتنے گھنٹے کب ،کہاں اور کیسے استعمال ھوئے مگر اتنی مہنگی سروس کا کوئی چیک اینڈ بیلنس نہیں ھے اور آپ بالکل بلائنڈ ھیں کہ کتنی بینڈ وڈتھ استعمال ھو چکی اور کتنی باقی ھے۔
۶۔ ھیلپ لائن والے کسی کی ھیلپ نہیں کرتے ۔ ویب سائٹ پر کوئی تفصیل نہیں صرف نئے کسٹمرز بنانے پر زور ھے موجودہ کا کوئی پرسان حال نہیں۔
چنانچہ ان سب باتوں کی روشنی میں آپ خود ھی فیصلہ کریں کہ یہ براڈ بینڈ پاکستان ھے یا فراڈ بینڈ پاکستان
آپ بھی کسی کمپنی ، دوکاندار یا پروڈکٹ کے بارے میں اپنے تاثرات سے آگاہ کریں تاکہ دیگر افراد فراڈ سے بچ سکیں۔