BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan - zikr-e-shab-e-firaaq se vehshat use bhii thii

zikr-e-shab-e-firaaq se vehshat use bhii thii
merii tarah kisii se muhabbat use bhii thii

mujh ko bhii shauq thaa naye cheharon kii deed kaa
rastaa badal ke chalane kii aadat use bhii thii

us raat der tak vo rahaa mahv-e-guftaguu
masrof main bhii kam thaa faraGat use bhii thii

sunataa thaa vo bhii sab se puraanii kahaniyan
taazaa rafaaqaton kii zaruurat use bhii thii

mujh se bichhar ke shahar main ghol mil gaya vo shaKhs
halaankey shahar bhar se raqabat use bhii thii

vo mujh se barrh ke zabt kaa aadii thaa jii gayaa
varnaa har ek saans qayaamat use bhii thii