BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan

امریکہ کی وفاقی تحقیقاتی ایجنسی ایف بی آئی کا کہنا ہے کہ اسے سائبر کرائم کے ایک بین الاقوامی نیٹ ورک کا پتہ چلا ہے۔
http://wscdn.bbc.co.uk/worldservice/...0_nocredit.jpg
ایف بی آئی اے نے امریکہ سے سائبر کرائم نیٹ ورک سے وابستہ نوے مشتبہ ممبران کو گرفتار کیا ہے۔
ایف بی آئی کا کہنا ہے کہ امریکہ سے کی گئی گرفتاریاں’ اب تک سائبر جرائم کے حوالے سے ہونے والی سب سے بڑی تحقیقات ہیں۔‘
برطانیہ، ہالینڈ اور یوکرائن کی تحقیقاتی ایجنسیاں بھی امریکہ کے ساتھ ان تحقیقات میں شامل ہیں۔
امریکہ سے گرفتار کیے گئے افراد مشرقی یورپ میں موجود جعل سازوں کے لیے جاسوسی کا کام کرتے تھے جو امریکہ میں کمپیوٹر ہیک کر کے اب تک سات کروڑ ڈالر چوری کر چکے ہیں۔
ایف بی آئی کی جانب سے جاری ہونے والے ایک بیان میں کہا گیا ہے کہ مشرقی یورپ کے ہیکرز زیوس نامی وائرس کو ای میل کے ذریعے امریکہ میں چھوٹے کاروباری اداروں اور افراد کے کمپیوٹرز کو متاثر کرتے تھے۔
اس کے بعد نامعلوم ہیکرز صارفین کے آن لائن پاس ورڈ اور بینک کھاتوں کے متعلق معلومات حاصل کر لیتے تھے۔حاصل کردہ معلومات کے ذریعے بینک سے رقم دوسرے بینک میں منتقل کر دیتے تھے۔
ایف بی آئی کا کہنا ہے کہ ہیکرز کے نیٹ ورک نے بائیس کروڑ امریکی ڈالر چوری کرنے کی کوشش کی تھی۔
یوکرائن اور برطانیہ سے بھی مقامی پولیس کے مطابق کچھ افراد کو حراست میں لیا گیا ہے۔
امریکہ کے اٹارنی جنرل کا کہنا ہے کہ گرفتار کیے گئے افراد پر منی لانڈرنگ اور بینک فراڈ سازش کی فرد جرم عائد کی گئی ہے۔