BZU PAGES: Find Presentations, Reports, Student's Assignments and Daily Discussion; Bahauddin Zakariya University Multan

Suno Acha Nahin Lagta
Ke Koi Dosra Dekhey
Tumhari Sharbati Aankhen
Lab-o-Rukhsaar Aur Palkein
Siyah Lambi Ghanee Zulfein
Sarahey Dosra Koi
Mujhay Acha Nahin Lagta

Suno Acha Nahin Lagta
Kare Jab Tazkara Koi
Kare Jab Tabsara Koi
Tumhari Zaat Ko Khojay
Tumhari Baat Ko Sochay
Mujhay Acha Nahin Lagta

Suno Acha Nahin Lagta
Tumhari Muskurahat Per
Hazaro.n Log Martay Ho.n
Tumhari Aik Aahat Par
Hazaro.n Dil Dharaktay Ho.n
Kise Ka Tum Pe Yu.n Marna
Mujhay Acha Nahin Lagta

Suno Acha Nahin Lagta
Hawa Guzray Tumhain Choo Kar
Na Hoga Zabt Yeh Mujhse
Karey Gustakhi Tumse
Tumhari Zulfein Bikhar Jaye.n
Tumharay Lams Pe Jaye.n
Mujhay Acha Nahin Lagta

Suno Acha Nahin Lagta
Ke Tum Ko Phool Bhi Dekhain
Tumhare Paas Se Mehkein
Ya Chanda Ki Guzarish Ho
Ke Apni Roshni Bakhshoo.n
Rukh-e-Jana Koi Dekhay
Mujhay Acha Nahin Lagta